КВД “ДИПСЕРВИС”
13 ноябри соли 2024 дар доираи ҳамкориҳои муштараки КВД «Дипсервис» ва Сафорати ИМА бо мақсади татбиқи сиёсати давлат дар самти шаҳрсозӣ Сафири Фавқулода ва Мухтори Иёлоти Муттаҳидаи Америка дар Ҷумҳурии Тоҷикистон ҷаноби Мануэл Микаллер ба Корхона ташриф оварда дар рафти вохӯрӣ ҳуҷҷати дахлдор ба имзо расид.
11.10.2024 ба дафтари корхона консули Генералии Маҷористон дар шаҳри Алмаатои Ҷумҳурии Қазоқистон ҷаноби Саболч Карой Сёке ташриф овард. Зимни вохурӣ ба номбурда барои мусоидат дар ташкили мусобиқаи байналмилалӣ оид ба парапланеризм барои Ҷоми Президенти Ҷумҳурии Тоҷикистон, ки моҳи майи соли равон баргузор шуда буд, изҳори сипос баён карда шуд.
9 октябри соли 2024 вохӯрии Директори генералии КВД “Дипсервис” Хайруллоев Абдулло бо Сафири Ҷумҳурии Беларус дар Ҷумҳурии Тоҷикистон Виктор Александрович баргузор шуд. Дар рафти мулоқот ҷонибҳо доир ба масъалаҳои ҷорӣ ва дурнамои татбиқи лоиҳаҳои дуҷониба ибрози назар намуданд.
27 сентябри соли 2024 мусобиқаи футбол миёни дастаҳои Вазорати корҳои хориҷии Ҷумхурии Тоҷикистон ва корпуси дипломатӣ барои дарёфти Ҷоми Вазири корхои хоричӣ ба анҷом расида, дар он дастаи Сафорати Шоҳигарии Арабистони Саудӣ ғолиб гардид. Ғолибони ҷойҳои дуюм ва сеюм дастаҳои Сафорати Давлати Қатар ва Вазорати корҳои хориҷӣ гардиданд. Бехтарин бозингарон бо ифтихорномаҳо мукофотонида шуданд.
12.09.2024 Оғози мусобиқаи футболи дӯстона миёни кормандони низоми Вазорат ва намояндагиҳои дипломатии муқими Тоҷикистон барои дарёфти Ҷоми Вазири корҳои хориҷии Ҷумҳурии Тоҷикистон бахшида ба 33-солагии Истиқлолияти давлатӣ.
23.08.2024 ба дафтари корхонаи “Дипсервис” роҳбари Агентии муҳоҷирати СММ дар Тоҷикистон ҷаноби Виктор Лутенко ташриф овард. Зимни вохурӣ тарафҳо имкониятҳои роҳандозии лоиҳаҳои дуҷонибаро дар соҳаи муҳоҷирати меҳнатӣ баррасӣ намуданд
16.08.2024 дар КВД “Дипсервис” миёни Дафтари САҲА дар Ҷумҳурии Тоҷикистон, Вазорати молияи Ҷумҳурии Тоҷикистон ва Кумитаи андози назди Ҳукумати Ҷумҳурии Тоҷикистон вохурӣ баргузор гардид. Зимни мулоқот тарафҳо ба саволҳо ва масъалаҳои худ ҷавобҳои қаноатбахш пайдо намуданд.
1 августи соли ҷорӣ миёни КВД “Дипсервис” ва масъулини Давлати Қатар машварати маҷозӣ доир ба масъалаи сохтмони намояндагиҳои дипломатии ду кишвар сурат гирифт.
Дар арафаи сафари Раиси Ҷумҳурии Мардумии Чин ба Ҷумҳурии Тоҷикистон миёни КВД “Дипсервис” ва ширкати чинии “Чиндао Ҷиаоҷоу Айан” ёддошти тафоҳум оид ба ҳамкорӣ дар соҳаи амалисозии лоиҳаҳои техникӣ ба тасвиб расонида шуд.
