КВД “ДИПСЕРВИС”
12.09.2024 Оғози мусобиқаи футболи дӯстона миёни кормандони низоми Вазорат ва намояндагиҳои дипломатии муқими Тоҷикистон барои дарёфти Ҷоми Вазири корҳои хориҷии Ҷумҳурии Тоҷикистон бахшида ба 33-солагии Истиқлолияти давлатӣ.
23.08.2024 ба дафтари корхонаи “Дипсервис” роҳбари Агентии муҳоҷирати СММ дар Тоҷикистон ҷаноби Виктор Лутенко ташриф овард. Зимни вохурӣ тарафҳо имкониятҳои роҳандозии лоиҳаҳои дуҷонибаро дар соҳаи муҳоҷирати меҳнатӣ баррасӣ намуданд
16.08.2024 дар КВД “Дипсервис” миёни Дафтари САҲА дар Ҷумҳурии Тоҷикистон, Вазорати молияи Ҷумҳурии Тоҷикистон ва Кумитаи андози назди Ҳукумати Ҷумҳурии Тоҷикистон вохурӣ баргузор гардид. Зимни мулоқот тарафҳо ба саволҳо ва масъалаҳои худ ҷавобҳои қаноатбахш пайдо намуданд.
1 августи соли ҷорӣ миёни КВД “Дипсервис” ва масъулини Давлати Қатар машварати маҷозӣ доир ба масъалаи сохтмони намояндагиҳои дипломатии ду кишвар сурат гирифт.
Дар арафаи сафари Раиси Ҷумҳурии Мардумии Чин ба Ҷумҳурии Тоҷикистон миёни КВД “Дипсервис” ва ширкати чинии “Чиндао Ҷиаоҷоу Айан” ёддошти тафоҳум оид ба ҳамкорӣ дар соҳаи амалисозии лоиҳаҳои техникӣ ба тасвиб расонида шуд.
24 январи соли 2024 вохӯрии Директори генералии КВД “Дипсервис” – Хайруллоев Абдулло бо Сафири Подшоҳии Арабистони Саудӣ дар Ҷумҳурии Тоҷикистон – ҷаноби Валид Абдурраҳмон Ар-Решайдон баргузор гардид. Дар рафти мулоқот ҷонибҳо доир ба масъалаҳои ҷорӣ ва дурнамои татбиқи лоиҳаҳои дуҷониба ибрози назар намуданд.
14 декабри соли 2023 вохӯрии Директори генералии КВД «Дипсервис» Хайруллоев Абдулло бо Сафири фавқулода ва мухтори Подшоҳии Британияи Кабир ва Ирландияи Шимолӣ дар Ҷумҳурии Тоҷикистон ҷаноби Тим Ҷонс баргузор шуд. Дар рафти мулоқот ҷонибҳо доир ба масъалаҳои ҷорӣ ва дурнамои татбиқи лоиҳаҳои дуҷониба ибрози назар намуданд.
30 ноябри соли 2023 мулоқоти Муовини директори генералии Корхона Д. Ҳомидӣ бо Консули Сафорати Туркманистон С. Аннаоразов оид ба масъалаи сохтмони биноҳои маъмурии намояндагиҳои дипломатии ду кишвар дар шаҳри Душанбе ва Ашқобод баргузор гардид.
29 ноябри соли 2023 дар доираи ҳамкориҳои муштараки КВД «Дипсервис» ва Сафорати ИМА бо мақсади татбиқи сиёсати давлат дар самти шаҳрсозӣ Сафири Фавқулода ва Мухтори Иёлоти Муттаҳидаи Америка дар Ҷумҳурии Тоҷикистон ҷаноби Мануэл Микаллер ба Корхона ташриф оварда дар рафти вохӯрӣ ҳуҷҷати дахлдор ба имзо расид.
16 ноябри соли 2023 вохӯрии Директори генералии КВД «Дипсервис» – Хайруллоев Абдулло бо Сафири Мухтори Давлати Фаластин дар Ҷумҳурии Тоҷикистон ҷаноби Луай Иссо баргузор гардид. Дар рафти вохурӣ ҷонибҳо доир ба масъалаи расонидани кумакҳои башардӯстона ба осебдидагони амалиёти ҳарбии исроилӣ дар Фаластин сӯҳбат намуданд.
